21 Februarie is Internasionale Moedertaaldag en Translate.org.za het pas 'n nuwe inisiatief genaamd 'Dictory' van stapel gestuur om woordeboeke weer nuttig te maak.

Baie mense het woordeboeke op hulle boekrakke wat net sit en stof vergaar. Niemand wil 'n woordeboek weggooi nie, en ons wil graag nuwe lewe gee aan u ou woordeboeke.

Translate.org.za sal u woordeboek vir die volgende gebruik:

• Verbetering van ons Vry speltoetsers: Ons skep Oopbron-speltoetsers vir die kantoorsuite OpenOffice.org en webblaaier Mozilla Firefox. Die woordeboek sal gebruik word vir die nagaan van woorde, afkapping, ens.
• Verhoging van die kwaliteit van ons vertalings: Ons vertaal OpenOffice.org en Mozilla Firefox wat gratis en vrylik beskikbaar is. Ons vertalers moet soms nuwe terme skep; woordeboeke help in 'n soektog na die regte woord en met die skep van nuwe terme.
• Die skep van 'n hulpbron vir taalpraktisyns: Hierdie woordeboeke is nuttig vir baie mense wat hulle met tale besig hou met tale, en ons sal ook hierdie woordeboeke beskikbaar stel vir ander.

Indien u 'n woordeboek het wat u wil deel, kontak ons gerus by (012) 460 1095 om meer uit te vind, of lewer dit bloot af by: Translate.org.za, Wenningstraat 63A, Groenkloof, Pretoria.

Mediaverklaring